Beddi nutizzi ‘ncapu li nostri prugressi

Mi’ chi simana chi àppimu â Cadèmia Siciliana! ‘Sta simana cchiù assai di 50mila cristiani vìnniru a sapiri dâ nostra missiuni rispettu â simana passata. 7,585 cristiani si fìciru pigghiari dî cosi chi pubblicamu, e 422 cristiani ni mìsiru “Mi piaci”. Cadèmia Siciliana ora àvi cchiù assai di 1000 “Mi piaci”.

  • Arricivemu supportu di ‘na marìa di cadèmici, partiti* senza prufittu, partiti* di Facebook, pirsunalitati di Internet.
  • Cristina Grecu, studenti di PhD cu spirenza ô CSFLS, accittau la prisidenza ô Cumitatu Nurmalizzazzioni.
  • ‘Na pruposta di standard ortugràficu fu prisintata ô Cumitatu Nurmalizzazzioni.
  • Passamu un saccu di dicisioni ‘ncapu certi prubbremi linguìstici.
  • Criamu partiti* lucali nn’assai paisi, riggiuni e citati, e spiramu ca criscìssiru.
  • Accuminciamu lu nostru forum e già àvi 25 mèmmira.

*la parola partita è lu stissu dû talianu gruppo, no partito.

Fìcimu tutti ‘sti cosi sulu cu $150, èramu troppu ‘mpignati p’arricògghiri funni!

Âmu a ‘rringrazziari a cirtuni ca n’aiutaru ‘sta simana. A parti la squatra principali di vuluntari (vidi la lista â fini), Rolf Weimar (Rudurfu Vimaria ‘n sicilianu) di Steve the vagabond and silly linguist (L’èrramu e linguista scemu Stèfanu ‘n sicilianu), Franciscu Sarbaduri e Unavantaluna ca ni fìciru un beḍḍu vìdiu ca stamu tinennu di latu p’arricògghiri funni, li nostri mèmmira ca ni supportanu ca fìciru dunazzioni e tutti vuatri chi suppurtati la nostra missiuni.

Semu troppu furtunati ca avemu ‘na lingua accussì beḍḍa ca ni fici ‘ncuntrari comu ‘na famigghia nna tuttu lu munnu. Picca lingui su’ furtunati comu a nuatri ca avemu ‘na marìa di genti ‘mpignati nn’accussì assai cuntinenti e ca travàgghianu pi’ sarballa.

Cca cc’è la lista ca dicèvamu supra: Grazzi picciotti!

This post is also available in: enEnglish (Ngrisi) itItaliano (Talianu)