U to cumuni firmau?
Cuntattammu tutti i cumuna dâ Sicilia pi prupunìrici e fàrici firmari u nostru Manifestu pâ Lingua Siciliana.
Ni vo’ ajutari?
Travagghiamu pâ
Lingua Siciliana
Cu' semu?
Semu n’assuciazzioni senza scopu di lucru chi travagghia pâ lingua siciliana, criannu a nfrastruttura chi serbi pi purtari u sicilianu nnô munnu dâ tecnuluggìa, criannu matiriali didàtticu e facennu ricerca e attivìsimu pû dirittu a usari a nostra lingua unn’è-è.
Soccu facemu
Ducumentu pi l'Ortugrafìa dû Sicilianu
A lingua siciliana è un trisoru di storia, curtura e idintità. Pi prisirballa e garantìrici un futuru sòlidu, u pidamentu mastru è aviri na scrittura chiara e spartuta ntra tutti pari. Pi sta scaciuni, u Ducumentu pi l’Ortugrafìa dû Sicilianu, cunzatu dû nostru Cumitatu Scintìficu, è u puntu di rifirimentu pi na grafìa cuirenti pi scrìviri ‘n sicilianu.
Grazzi a stu ducumentu, studenti, scrittura e appassiunati ponnu aviri nu stigghiu affidàbbili pi scrìviri u sicilianu di manera muderna, senza pèrdiri a ricchizza e l’autinticità di tutti i so varianti.
N’ortugrafìa muderna e nnuvativa pi fàrici scrìviri u sicilianu a tutti.
Traduzzioni
Cchiù assai matiriali cc'è 'n sicilianu, megghiu è. Libbra, jòcura, vidiu, suttatìtuli. Cuntàttani si ài bisognu di na traduzzioni.
Tecnuluggìa
Cullabburamu cu Unicode, cu Google, cu Facebook, cu Mozilla, cu Youtube, pi dari a l'utenti a pussibbilità di scartari u sicilianu pî so cuntinuti.
Editurìa
Criamu cuntinuti novi! Cuntàttani si vo' pubblicari quarchi cosa 'n sicilianu cu nuiautri.
Scola
Nzignamu a lingua, nzignamu a parrari, nzignamu a scrìviri. Ancora nun è lesta, ma viatu grapirà a nostra scola 'n riti.
Attivìsimu
Parramu câ pulìtica, cullabburamu cu autri assuciazzioni, facemu scrusciu! Facemu nèsciri u sicilianu dâ casa.
