‘Ncapu di nuatri

La Cadèmia Siciliana è ‘na urganizzazzioni senza prufittu ca fu funnata â fini dû 2016.

La nostra missiuni è ricerca, ducazziuni e attivìsimu in, ‘ncapu e pâ lingua siciliana.

‘Na lingua è ‘na rialitati ca cancia tuttu lu tempu, puru lu sicilianu. Quinni, grazzi, p’asèmpiu, â granni ricerca prudutta dû Centru di Studi Filulòggici e Linguistici Siciliani, suppurtatu di l’Univirsitati di Palermu, ni sfurzamu di cuntinuari a studiari e arricircari ‘ncapu ô paisaggiu linguisticu sicilianu.

Prumuvemu la ducazziuni in e ‘ncapu la lingua siciliana, usannu tutta ‘na seri di cosi, comu siti nnâ riti, pàggini/cunti nnê riti suciali, pubbricazziuni cadèmichi e cuntinuannu.

E finennu, senza livàrici ‘mpurtanza, prumuvemu l’attivìsimu in e lingua siciliana: tutti chiddi ca pàrranu e sunnu ‘ntirissati ô sicilianu sunnu ‘mmitati a juncìrisi a nuatri pi’ “straminari la parola”. Lu nostru disìu è chiddu di firmari lu spustamentu linguisticu e fari arripigghiari ‘na ‘mmàggini salutari pû sicilianu e fari arripigghiari ‘a nostra firizza e lu rispettu pâ nostra lingua matri.

Pi’ fallu addivintari cchiù fàcili, facemu lu fatturi facilitanti pi’ matiriali auturèvuli ‘ncapu lu sicilianu, li quali semu sempri aperti e a arricivilli e straminalli.

Ni piacissi, prima o doppu, èssiri cunzidirati ‘n’auturitati nnô campu dâ lingua siciliana, comu p’asèmpiu l’Académie française pû francisi o l’Accademia della Crusca pû taliànu.

This post is also available in: enEnglish (Ngrisi) itItaliano (Talianu)