Cademia Siciliana
Na lingua chi campa.
A nostra missiuni
Addifinnemu e prumuvemu a lingua siciliana comu patrimoniu vivu e mudernu, facènnula accissìbbili a tutti pi menzu di stigghi educativi, murtimidiali e scintìfici.
A nostra visiuni
Ni mmàgginamu na Siciliana unni u sicilianu veni usatu cu rigugghiu, ricanusciutu di l'istituzzioni e trasmessu ê ginirazzioni novi.
I nostri attività
Didàttica
Cursi, siminari e matiriali pi nzignari e nzignàrisi u sicilianu.
Tecnuluggìa
App e cuntinuti diggitali ’n lingua siciliana.
Ortugrafìa
Stigghi e lìnii guida ortugràfichi p’usari u sicilianu di manera cuirenti.
Prumuzzioni
Campagni pû ricanuscimentu e a tutela dâ lingua.
Pubblicazzioni
Libbra, risursi ’n riti, artìculi scintìfici.
Cullabburazzioni
Travagghiamu chî scoli, l'enti pùbblici, l'università e l'autri assuciazzioni.
A nostra squatra
Paul Rausch
Cu-Funnaturi
Nick Panzarella
Prisidenti Cademia Siciliana, Inc.
David Paleino
Prisidenti Cademia Siciliana ETS
Eva Enza Amenta
Rispunzàbbili RP
Alejandro Termini
Rispunzàbbili sizzioni spagnola
Martina Familiari
Manijatrici dî Riti Suciali
Gaetano Mazza
Diritturi dû Dipartimentu Artìsticu
Giancarlo Antonino Antonucci
Diritturi dû Dipartimentu Tecnuluggìi
Alessio Mistretta
Squatra di traduzzioni
Salvo Longhitano
Squatra di traduzzioni
Andrea Vannelli
Prumuzzioni
U nostru Cumitatu Scintìficu
Marco Tamburelli
Prufissuri di Linguìstica (Bilinguìsimu), Università di Bangor, Galles
Marco Trizzino
Prufissuri mmitatu, Littri Cristiani e Clàssichi, Gluttuluggìa e linguìstica, Università Pontificia Salesiana, Roma
Paolo Coluzzi
già Prufissuri Assuciatu di Talianu e sociulinguìstica, Università di Malaya, Kuala Lumpur, Malesia
Conchúr Ó Giollagáin
Mèmmiru ussirbaturi
Prufissuri di Ricerca ncapu ô Gaèlicu, Language Sciences Institute, University of the Highlands and Islands, Scozzia
Christopher Mosley
Mèmmiru ussirbaturi
Diritturi di l'Atlanti di l'UNESCO ncapu ê lingui ’n pirìculu
Giada Isca
Mèmmiru Jùvini
Dutturanna di ricerca ’n Linguìstica stòrica, linguìstica educativa e talianìstica, Unistrasi, Siena
Rosario Catania
Mèmmiru Jùvini
Lauriatu ’n Lingui e curturi eurupei, eurumiricani e livantini, Università degli Studi di Catania
I nostri attività
uttùviru dû 2017
Prima pruposta ortugràfica
Pruposta di Nurmalizzazzioni Ortugràfica Cumuni
Tìtulu urigginali: Proposta di normalizzazione ortografica comune della lingua siciliana per le varietà parlate nell’isola di Sicilia, arcipelaghi ed isole satelliti, e nell’area di Reggio Calabria. Chiamata di manera nun ufficiali ProNOC, avìa pi ubbittivu chiḍḍu di criari n’ortugrafìa siciliana di stampu eurupeu, capaci di prudurri ogni tipu di testu scrittu, cunzidirannu macari a situazzioni sociulinguìstica di l’aria ntirissata.
jinnaru dû 2018
Principìa a cullabburazzioni cu Mozilla
Accumincia a traduzzioni dî prudutti Mozilla ’n sicilianu.
uttùviru dû 2018
Primu nùmmaru di "Lu Curreri di l'UNESCO"
Lu Curreri di l'UNESCO
Accumincia a cullabburazzioni cu l'UNESCO, pi l’edizzioni ’n lingua siciliana di The Courier. Tutti i nùmmari chi foru pubblicati sunnu dispunìbbili ’n riti.
6 di maju dû 2021
Primu pruggettu di rialtà aumintata ’n sicilianu
Woolaroo
Cullabburamu cu Google, cû dipartimentu Arts&Culture, pû pruggettu di rialtà aumintata Woolaroo, chi pirmetti di ricanùsciri l'uggetti nquatrati dâ fotucàmmira e dari na traduzzioni (e n’audiu) ’n sicilianu.
7 di dicèmmiru dû 2023
Mmitu a Bruselli
The Sicilian Language: Unveiling Sicily and island challenges
Nta sta data l'an. Ignazio Corrao urganizza un mmàttitu ntitulatu "The Sicilian Language: Unveiling Sicily and island challenges", unni semu mmitati, nzèmmula a assai autri prutagunisti dû muvimentu pâ prisirbazzioni dâ lingua siciliana
31 di marzu - 7 d'aprili dû 2024
Prima Simana dû Sicilianu
Simana dû Sicilianu
Nasci u primu mmàttitu ntirnazziunali didicatu ô sicilianu. Si tratta d’un mmàttitu ’n riti, unni spàrtiri i pruggetti pû sicilianu e ’n lingua siciliana, pi fari vìdiri chi u sicilianu è vivu. Na scaciuni pi studiàrilu, e pi parrallu cchiù assai pussìbbili.
7 d’aprili dû 2024
Sicunna pruposta ortugràfica
Ducumentu pi l'Ortugrafìa dû Sicilianu
Veni pubblicata a sicunna edizzioni dâ pruposta ortugràfica, chi cancia macari nomu. St'edizzioni vidi n'alliggirimentu di certi règuli chi avìanu statu misi nnâ prima edizzioni, doppu chi u primu mudeḍḍu ortugràficu fu pruvatu pi quarchi annu. St’edizzioni veni pubblicata accabbannu a prima Simana dû Sicilianu.
28 di giugnu dû 2024
Google traduci ’n sicilianu
Google Translate ’n sicilianu
Cuntinua a cullabburazzioni cu Google; doppu n’annu d’attività dâ nostra squatra di traduttura, Google metti u sicilianu ntra i lingui dispunìbbili nne Google Translate.
9 di nuvèmmiru dû 2024
Ni purtamu a ELEN
ELEN General Assembly, Bilbao
A Bilbao, nnô cori dî Pajisi Vaschi, semu mmitati â Samprea Ginirali di ELEN - European Languages Equality Network - pi purtàrini di manera ufficiali comu mèmmiri dâ riti assuciativa.
16 di dicèmmiru dû 2024
Pubblicatu Firefox ’n sicilianu
Firefox pî dispusitivi mòbbili
Nasci a prima virsioni di Firefox ’n sicilianu, pubblicatu pî dispusitivi mòbbili Android e iOS.
